Фудбалерот на Баерн Минхен, Никлас Суле, ќе отсуствува од терените неколку недели поради повреда на мускулот, соопшти денеска германскиот клуб.
26-годишниот фудбалер се повреди на тренинг во средата и ќе го пропушти претстојниот натпревар од Бундес – лигата против Унион Берлин.
Тој ќе ги пропушти и натпреварите на германската репрезентација против Израел и Холандија, а неизвесно е дали ќе биде подготвен и за четвртфиналето од Лигата на шампионите.
Дефанзивецот од следната сезона ќе настапува за Борусија Дортмунд каде ќе се пресели по истекот на договорот со Баерн Минхен.
