Базел го смени тренерот

Швајцарскиот прволигаш Базел се раздели со тренерот Патрик Рахмен, објави клубот преку официјалниот сајт. Одлуката е донесена поради „незадоволителниот севкупен спортски развој и немањето јасна перспектива во овој поглед“, напиша швајцарскиот клуб.

Базел моментално е на третото место на табелата во швајцарската Суперлига, со 10 бода помалку од лидерот Цирих.

Гиљермо Абаскал ќе биде главен тренер до крајот на сезоната, а помошник ќе биде Марко Вокер.