Германската полиција истражува смртните закани кон играчите на Баерн Минхен, а според весникот „Билд“, на мета се Роберт Левандовски, Мануел Нојер и Серж Гнабри. Писмото е испратено на 12 јануари до фудбалскиот клуб Сент Паули, а потоа е предадено до властите.
„Покрената е истрага за нарушување на јавната безбедност и ред со закани за кривично дело“, изјави портпаролот на полицијата без дополнителни детали.
Според информациите на германските медиуми, во писмото пишува: „Да го спасиме првенството, да го спасиме фудбалот. Оган и смрт за валканите свињи во Баерн“.
