Офанзивецот Рафаел Леао има одлична сезона во дресот на Милан, а неговите добри игри ги забележа и Пеп Гвардиола, менаџерот на Манчестер Сити. Тој би сакал да го доведе на „Итихад“ во летниот преоден рок. Покрај „граѓаните“, за Леао се интересираат и Арсенал и Њукасл, но најавите од Италија велат дека и Милан нема лесно да се откаже од него.
„Росонерите“ се подготвени да му понудат нов договор до 2026 година и годишна плата од 4 милиони евра за Рафаел Леао да остане на „Сан Сиро“. Во таков случај, отштетната клаузула за него би изнесувала 200 милиони евра.
