Дефанзивецот на Интер, Стефан де Фрај, по завршувањето на сезоната ќе го напушти „Џузепе Меаца“ и ќе се пресели во Премиер – лигата. Договорот на Де Фрај со Интер истекува во јуни 2023 година, нема најава за негово продолжување.
Интер е подготвен да го продаде, а голем интерес за него покажува Тотенхем.
Антонио Конте увиде дека одбраната на Тотенхем не е на потребното ниво, а одлично го познава Де Фрај од периодот кога го предводеше Интер.
Холанѓанецот, според италијанските медиуми, исто така е подготвен за заминување во Премиер – лигата.
Трансферот би бил вреден околу 30 милиони евра, а Интер како негова замена сака да го доведе Бремер од Торино.
