Арсенал неодамна го загуби Пјер-Емерик Обамејанг, кој замина од „Емирати“ и се пресели на „Камп Ноу“ и стана нов фудбалер на Барселона.
На Арсенал за следната сезона му требаат засилувања во нападот, а според англиските медиуми изборот паднал на фудбалерот на Саутемптон, Албанецот Арманд Број.
Клубот од Лондон сакаше да го доведе Душан Влаховиќ во зимскиот преоден рок, но тој го избра Јувентус. Арсенал немаше алтернатива, па зимава остана без засилувања.
Договорот на капитенот Лаказет истекува следното лето, па сигурно е дека раководството на Арсенал ќе ги фрли сите карти за доведување нов напаѓач, а тоа лесно би можел да биде Броја.
Тој игра одлично оваа сезона за Саутемптон, постигна седум гола и е вистинско откритие во тимот на „светците“ и во Премиер – лигата.
