Бразилскиот тим Палмеирас е првиот финалист на Светското клупско првенство кое се игра во Абу Даби, откако оствари победа од 2-0 против Ал-Ахли, претставникот од Египет.
Ова е своевидна одмазда откако двата клуба се сретнаа и минатата година во битката за третото место, а победи Ал-Ахли.
Веига во 39.минута го доведе Палмеирас во водство, а на почетокот на вториот дел Дуду згоелеми на 2-0.
Египќаните го завршија мечот и со играч помалку затоа што во 81. минута Ашраф доби директен црвен картон. Палмеирас во големото финале го очекува победникот од дуелот меѓу Челси и Ал-Хилал.
