Претседателот на ИОК, Томас Бах, ја критикуваше идејата на ФИФА за одржување светски првенства на секои две години. На 139. седница во Пекинг, членовите на ИОК изразија загриженост за здравјето на фудбалерите доколку се оствари идејата на претседателот на ФИФА, Џани Инфантино.
„Претседателот на ФИФА вчера го откажа своето патување во Пекинг поради пандемијата на Ковид-19, но тоа не значи дека не можеме да разговараме за тоа. Предлогот на ФИФА ќе има негативно влијание врз здравјето на фудбалерите и ќе ја поткопа издржливоста на другите спортски федерации. ФИФА мора да одржи темелни консултации со целата спортска заедница“, изјави Томас Бах.
