Кристијано Роналдо не мирува. Во Франција велат дека е незадоволен, дека нема да губи време во Манчестер Јунајтед и дека планира европската кариера да ја заврши во друг клуб.
Роналдо гледа кон Париз и сака да се пресели во ПСЖ, навивајќи за доаѓањето на Зидан. Има информации дека неговиот поранешен тренер би сакал да го доведе, да ги спои со Лионел Меси, а Португалецот би бил замена за Мбапе кој на лето ќе замине во Реал Мадрид.
Газдите од Доха прават се за да го убедат Зидан. Покрај платата од 12 милиони евра по сезона, што е уште поважно, тој би добил одврзани раце при создавањето на тимот, а тој би сакал повторно да соработува со Кристијано Роналдо.
