Европскиот фудбал бележи колосални загуби во последните две сезони, поради пандемијата на коронавирус. Клубовите од Стариот континент загубија 7 милијарди евра, покажува студијата на УЕФА.
Најголемите загуби беа предизвикани од празните стадиони, бидејќи приходите од билети паднаа за неверојатни 88% во сезоната 2020/2021. Огромен пад од 40% бележат и приходите од трансфери. Приходите од спонзорски договори се намалени за 1,7 милијарди евра.
Истражувањето на УЕФА е спроведено меѓу 724 клубови од 54 фудбалски првенства во Европа.
