Крилниот напаѓач Омар Имери треба да биде замената за Матеј Цветаноски во тимот на Шкупи за пролетниот дел од сезоната. Тој ќе пристигне како позајмен играч од редовите на турскиот клуб Бодрумспор.
Имери е всушност младинец на Шкупи, кој потоа замина во Шкендија и блесна, по што направи трансфер во Турција, во редовите на Анталијаспор. На почетокот на оваа сезона од Анталија се пресели во тимот на Бодрумспор, а сега треба да се врати на Чаир.
