„Вечното“ дерби на македонскиот фудбал оживеа во Купот на Македонија. Иако двете екипи оваа сезона немаат првенствени пресметки, и за првпат Вардар е во второлигаш, а Пелистер се наоѓа на самото дно на табелата во елитата, ждребот во Купот сакаше да се случи македонското „Ел Класико“.
Со формата не можат да се пофалат и двете екипи, навикнати сме да бидат многу поквалитетни, но, сепак, класата е вечна.
По две одложувања на натпреварот, македонските фудбалски брендови денеска (13 часот) ќе се сретнат во четвртфиналето и ќе се борат за место меѓу најдобрите четири екипи во најмасовното клупско натпреварување.
Пелистер е очаен во Првата лига, не знае за победа цела есен, а Вардар се бори за место под сонцето во Втората лига Запад. Но, влогот затоа е уште поголем за денешниот натпревар, затоа што на победникот ќе му обезбеди шанса за влез меѓу четирите најдобри и позиција само два чекори до трофеј и излез во Европа.
