Шкендија со судни маки успеа да стигне до триумф (2-1) и три бода против Пелистер во Тетово. Во финишот Јан Кривак со удар со глава ја затресе мрежата на битолскиот тим и направи пресврт, а при прославата можеа да „загинат“ неколку фудбалери на домашниот тим.
Кривак и соиграчите отидоа да го прослават голот со своите навивачи, но од трибините беше фрлена петарда која експлодираше во непосредна близина на фудбалерите. Двајца паднаа на земја и им беше потребна лекарска помош, а сите се надеваат дека тоа сепак нема да остави поголеми последици. Се чини дека најлошо помина капитенот Егзон Бејтулаи.
