Втора лига Запад: Може ли Воска да му го нанесе првиот пораз на Силекс?

Силекс е неприкосновен лидер на табелата во Втората лига Запад и се уште е без пораз во ова натпреварување. Денеска (13 часот) во Охрид, кратовци ќе имаат сериозно искушение во дерби – дуелот против вторпласираниот тим на Воска Спорт. Минатата седмица Воска го зема скалпот на Вардар, па сега избраниците на Раде Цицмиловиќ ќе се обидат да го победат и Силекс.

Но, ќе се прашува и составот на Горзад Михајлов кој оваа сезона игра одличен фудбал во второлигашка конкуренција.

Вардар сака да се врати на победите и ќе се обиде да освои три бода на домашен терен против Велешта. Тетекс го пречекува Охрид Лихнидос и е фаворит за триумф, исто како и Гостивар во дуелот со Кадино. Се очекува интересен дуел меѓу Кораби и Беса.