Пари Сен Жермен одигра без голови со Ница, но и покрај неочекуваното реми на „Паркот на принцовите“, убедливо е на првото место во Лига 1 со 12 бода предност пред сега второпласираниот Олимпик Марсеј.
Маурисио Покетино и покрај „нулата“, не беше многу разочаран.
„Одигравме онака како што треба да играме со можностите што ги имавме. Секој ден, малку по малку, стануваме посилни. Лидери сме во Лига 1, влеговме во осминафиналето на Лигата на шампионите. Треба да продолжиме да ја подобруваме нашата игра, за да бидеме подготвени за решавачките моменти во сезоната“, изјави 49-годишниот стручњак.
За натпреварот против Ница, Аргентинецот смета единствени недостигала ефикасност.
„Според мене, бевме подобри од Ница. Сепак, не освоивме три бода. Ни недостигаше прецизност. Некогаш топката оди на посакуваното место, некогаш не“, изјави Покетино.
