Франк Кеси, еден од најдобрите играчи на Милан веќе неколку години, на крајот од сезоната ќе ги напушти „росонерите“. Неговиот договор со клубот од „Сан Сиро“ истекува следното лето, а во јануари може да започне преговори со своите нови работодавци.
Според шпанските медиуми, Реал Мадрид во јануари ќе достави понуда за играчот на Милан, која нема да може да ја одбие. Неговиот трансфер на „Сантијаго Бернабеу“ го форсира Карло Анчелоти кој по секоја цена го посакува во својот тим.
Франк Кеси од Милан побара 9 милиони евра годишна плата, а раководството на „росонерите“ не можат тоа да го исполнат. Затоа „кралевите“ влегуваат во трката во која се уште и ПСЖ и Јувентус.
