Ралф Рангник уште не седна на клупата на Манчестер Јунајтед, се уште ја чека работната виза за Велика Британија, а медиумите на Островот веќе го „сменија“ и пишуваат за менаџерот кој ќе ги преземе „црвените ѓаволи“ по завршувањето на сезоната. Германецот се договори да биде привремено решение до крајот на сезоната, а потоа ќе остане како фудбалски консултант во клубот уште две години.
Како што најавуваат англиските медиуми, Роберто Манчини треба да биде следниот менаџер на Манчестер Јунајтед. Наводно, контактите се веќе направени и тој би дошол на почетокот на сезоната, доколку со Италија не успее да се пласира на Светското првенство во Катар. Во спротивно, би го преземал Јунајтед после мундијалот во Катар.
Италија за ривал во полуфиналето од баражот за пласман на СП ќе игра против Македонија, а потоа победникот го чека и финален дуел со подобриот од дуелот меѓу Португалија и Турција.
Манчини е согласен да се врати на клупскиот фудбал, а интересно е дека во минатото беше менаџер на градскиот ривал Манчестер Сити.
