Легендарниот напаѓач на Њукасл, Алан Ширер, смета дека неговиот поранешен тим мора да слави на следните два натпревари во Премиер – лигата доколку има намера да остане во друштво на најдобрите. „Чавките“ се заковани на дното на табелата и на култниот клуб му се заканува испаѓање иако го презедоа богати арапски шеици.
Алан Ширер смета дека ниту еден од врвните играчи не би се согласил да дојде во клуб на кој му се заканува испаѓање.
“Се зависи од следните два натпревари. Веројатно шест бода не би биле доволни за да излеземе од опасната зона, но барем ќе ја фатиме сламката за спас. Во спротивно, тоа може да има многу влијание на евентуалните засилувања во јануари. Ниту еден добар фудбалер нема да биде подготвен да се пресели во тим на кој му се заканува испаѓање. Њукасл итно ќе треба да биде во подобра позиција во јануари за барем да се надева дека ќе преживее“, истакна Алан Ширер.
