Португалскиот интернационалец Ренато Санчес ја реафирмираше својата кариера во дресот на францускиот Лил, а одлично игра и во националниот тим. Тоа будно го следи директорот на Милан, Паоло Малдини, кој сака да го доведе на „Сан Сиро“ по завршувањето на сезоната, најверојатно како замена за Франк Кеси.
Интернационалецот од Брегот на Слоновата Коска има преголеми побарувања за нов договор што Милан во овој момент не би можел да ги исполни и се поизгледно е негово заминување од клубот.
Но, Милан добива конкуренција. За Ренато Санчес сериозен интерес сега покажува и Јувентус. Тренерот Масимилијано Алегри исто така сака да направи голема реконструкција во средниот ред на „старата дама“, а Португалецот се наоѓа како една од приоритетните желби на неговиот список.
