Првиот човек на Реал Мадрид, Флорентино Перез, планирал да го спои Златан Ибрахимовиќ во нападот со Кристијано Роналдо, но на крајот се откажал од неговото доведување во „кралскиот клуб“ и Ибра останал во ПСЖ. Перез истакна дека очајно сакал да направи смртоносен тандем Ибрахимовиќ – Роналдо, но дека ароганцијата на Златан спречила се.
„Навистина сакав да го доведам Златан Ибрахимовиќ додека играше за ПСЖ. Мислев дека тогаш беше на исто ниво како Кристијано Роналдо“, открива Перез.
„Сакав да го спојам со Роналдо и да ја стопирам доминацијата на Барселона во Ла Лига, но како што напредуваа преговорите сфатив дека она што му е важно се парите, а не освојувањето трофеи“.
Шведскиот напаѓач побарал премногу пари. Тој сакал двојно поголема плата од Кристијано Роналдо.
„Тој сакаше двојно поголема плата од Кристијано Роналдо. На состанокот изгледаше како тој да дојде да потпише со мене, а не јас со него. Тој рече дека ќе преговараме само за неговите услови. Реков во ред, збогум. Тој е само еден обичен насилник“, изјави Перез.
Златан Ибрахимовиќ од 2012 до 2016 година го носеше дресот на ПСЖ, а потоа замина во Манчестер Јунајтед. По „црвените ѓаволи“ замина во МЛС – лигата каде играше за ЛА Галакси, а потоа минатата година се врати во тимот на Милан каде што настапуваше и претходно.
Во својата богата кариера играше и за Барселона, Интер, Јувентус, Ајакс и за Малме.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski