Горан Пандев се повлече, а „десетката“ му припадна на Енис Барди. Тој е фудбалски маестро со шпански ков, страдале од него и многу поголеми голмани од ерменскиот Јурченко, а посебно е „убиствен“ од 11 метри. Го памети тоа и Јан Облак од дуелите во Ла Лига.
Енис Барди го постигна првиот хет – трик во кариерата, и тоа во најдрагиот дрес на Македонија. А секогаш, за хет – трик мајсторот доаѓа и топката за спомен. Овојпат потпишана и од сите соиграчи, за убедливата победа над Ерменија (0-5) во Ереван.
