Фудбалската репрезентација на Ерменија е утрешниот противник на македонскиот национален тим. Селекторот Хоакин Капарош се надева дека Ерменците ќе успеат да стигнат до триумф и со тоа ќе ги продолжат надежите за мундијалски бараж во овие квалификации.
Романците се во најдобра позиција, но евентуалниот нивен кикс ќе го искористи селекцијата што ќе го добие утрешниот меч меѓу Ерменија и Македонија.
„Сакаме победа. Македонија е квалитетна селекција, но играме на домашен терен и ако сакаме да ги продолжиме надежите за баражот, тогаш бодовите ни се потребни. Нема да биде лесно, но верувам дека со поддршка од навивачите ќе успееме да ја оствариме целта“, изјави селекторот на Ерменците.
