Напаѓачот на Фиорентина, Душан Влаховиќ, смета дека Арсенал не е најдобрата опција за него во претстојниот зимски преоден рок. Тој сака да се пресели во клуб кој игра во Лигата на шампионите.
Напаѓачот нема намера да го продолжи договорот со Фиорентина, кој истекува во јуни 2023 година, а „виолетовите“ сакаат да го продадат веќе во јануари.
За Влаховиќ се заинтересирани и Јувентус, Интер, Арсенал, Атлетико Мадрид и Тотенхем.
Арсенал е подготвен да плати 80 милиони евра за да доведе Душан Влаховиќ. Напаѓачот оваа сезона за Фиорентина одигра 13 натпревари на кои постигна 10 голови и една асистенција.
