Проблеми во најава за италијанскиот првак Интер. Еден од најдобрите фудбалери во тимот, Николо Барела, одби да потпише нов договор со „нероаѕурите“. Како што пренесува „Кориере дело спорт“, раководството и фудбалерот се далеку од договор.
Барела е номиниран за „Златната топка“, игра фантастично и за Интер и за италијанската репрезентација, а неговиот агент за обнова на соработката бара 6 милиони евра по сезона. Засега „нероаѕурите“ нудат 4,5 милиони европски банкноти.
Атлетико Мадрид и Пари Сен Жермен веднаш се активираа и подготвени се да ги исполнат условите за да го купат од Интер.
Барела досега одигра 96 натпревари за тимот од „Џузепе Меаца“, постигна осум гола и запиша 26 асистенции.
