Шпанскиот фудбалер Иско Аларкон би можел да го напушти Реал Мадрид во зимскиот преоден рок. Тој веќе не сака да има резервен статус во Реал Мадрид и ќе замине можеби и шест месеци пред истекот на договорот.
Според италијанските медиуми, шпанскиот играч за врска е пред потпис со Милан. „Росонерите“ се согласни да му дадат годишна плата од 10 милиони евра со оглед дека ќе пристапи како слободен агент.
Иско е во Реал Мадрид од 2013 година, одигра вкупно 339 натпревари и постигна 51 гол. На „Сантијаго Бернабеу“ освои се што може да се освои.
