Кристијано Роналдо се врати во Манчестер Јунајтед, трансфер кој ги воодушеви фановите на клубот. Тој утре против Њукасл треба да го има големото враќање на „Олд Трафорд“, но во едно од првите интервјуа на Островот призна дека сепак е здодевно да се биде Кристијано, иако е мегапопуларен. На пример, не може во мир да си ги прошета децата во парк.
„Мора да признам, дека е многу здодевно да се биде Кристијано Роналдо. На почетокот е можеби супер, станувате славен, давате голови, освојувате трофеи, ве има на насловните страници, гостувате на телевизија… Но, сега после многу години, сето ова го гледам поинаку. Имаш деца, имаш девојка, сакаш со нив да излезеш и да прошеташ во прак, а не можеш. Веднаш ќе дојдат многу фанови, децата ќе станат нервозни, исто и девојката. Одамна немам никаква приватност. Ми велат, гајле ти е, имаш многу пари, возиш скапи автомобили. Но, јас би платил многу пари за да имам барем малку приватност“, вели Кристијано Роналдо.
