Навивачите на Манчестер Јунајтед се воодушевени од потегот на раководството да го ангажира Кристијано Роналдо. Португалецот се врати во клубот каде што помина шест години (2003-2009) и го подигна расположението на поддржувачите на клубот.
Тој потпиша договор на две плус една година и повторно ќе го носи дресот со бројот „7“, а промотивното видео по официјалното потпишување ги воодушеви сите во Јунајтед.
Петкратниот освојувач на „Златната топка“ ќе има можност да дебитира пред своите фанови в сабота кога Њукасл ќе пристигне на „Олд Трафорд“.
А пред тоа, упати кратка и јасна порака: „Јас сум дома!”
