Фудбалската репрезентација на Србија оствари сигурен триумф (4-1) против Луксембург и се искачи на првото место во групата А со 10 бода, колку што имаат и Португалците. Александар Митровиќ беше стрелец на првите два гола за северниот сосед, Луксембург намали преку Оливие Тил, но потоа гостите си постигнаа автогол. Конечниот епилог го постави Никола Миленковиќ во судиското продолжение.
Словенија едвај ја победи Малта со 1-0, а стрелец на победничкиот гол беше Санди Ловрич од пенал во 45.минута од мечот.
Ерлинг Халанд и Мохамед Елјонуси донесоа триумф (0-2) за Норвешка на гостувањето против Летонија, а со идентичен резултат славеше и Русија на гости против Кипар.
