Беласица сака експресно враќање во елитата, а во првото коло од новата сезона во Втората лига Исток на стадионот „Благој Истатов“ ќе го пречека Детонит. Вака одлучи денешниот ждреб во просториите на ФФМ. Второлигашките возбудувања стартуваат в среда, на 25 август, со оглед дека веќе се доцни со претходно предвидениот почеток на шампионатот.
Победа Прилеп во првото коло ќе го пречека Кит Го во интересен дуел, а Локомотива е домаќин на Кожуф. Осогово ќе ја нагости Каменица Саса, а Слога Виница ќе игра дома против Братство Житоше.
