Европската фудбалска организација (УЕФА) одреди парична казна од 10.000 евра за Македонија поради прекршување на ковид-протоколите на репрезентацијата за време на Европското првенство. Во образложението се наведува дека има „лошо однесување и потенцијално кршење на кодексот“. Одлуката гласи дека ФФМ ќе мора да плати санкција и има 90 дена за да го направи тоа, почнувајќи од 10 јули.
Македонската репрезентација настапот на Европското првенство го имаше на Националната арена во Букурешт, против Австрија и против Украина, како и во Амстердам против Холандија, во рамки од групната фаза.
