Македонскиот репрезентативец Езгјан Алиоски е желба на Жозе Мурињо и би можел да пристигне на „Олимпико“ ова лето како замена за повредениот Леонардо Спинацола. Тој ќе паузира најмалку четири месеци, а португалскиот стратег го бара најдоброто решение за негов наследник во претстојната сезона. Неговиот избор е Алиоски, кој е слободен агент откако му заврши договорот со Лидс Јунајтед, тврди италијанскиот „Ил Темпо“.
Алиоски може успешно да ја покрие левата странична позиција, и како лев бек, но воопшто не му претставува проблем да се трансформира и во многу поофанзивен играч по левата страна. Ова му се допаѓа на Жозе Мурињо, како и фактот дека би можел да го потпише македонскиот репрезентативец без да плати отштета. Многу поинаква е ситуацијата со Емерсон од Челси или Рами Бенсебаини од Борусија Менхенгладбах, кои исто така се наоѓаат на списокот на Мурињо.
