Македонскиот прволигаш Академија Пандев доведе квалитетно засилување во своите редови. Раководството на клубот успеа да се договори со Мартин Мирчевски кој потпиша договор на две сезони со “пандевци”.
Мартин Мирчевски минатата сезона беше еден од најдобрите играчи на Вардар, но по испаѓањето во второлигашка конкуренција одлучи да замине и ја прифати понудата на Академија Пандев.
Во струмичкиот тим Мирчевски повторно ќе соработува со Александар Васоски. Наредните денови се очекуваат уште неколку нови имиња во редовите на Академија Пандев.
