Охриѓани тргнаа за Скопје во битка за Првата лига

Фудбалерите на Охрид направија голем успех со пласманот на второто место и обезбедениот бараж за пласман во елитата, но сега сакаат да ја завршат работата и да остварат историски пласман во елитата. Тимот на Драган Бочески денеска отпатува за Скопје каде утре ќе ја има решавачката битка за учество во Првата лига. Противник е прволигашот Ренова, а баражот ќе се одигра на комплексот на ФФМ со почеток во 16 часот.

Охриѓани немаат проблеми со повреди и со суспензии, во најсилен состав патуваат на мечот на годината.