Трите македонски претставници во квалификациите за новоформираната Конференциска лига на УЕФА ќе заработат по 150.000 евра за учество првото коло од ова натпреварување. Ако се направи мала споредба со учествата во квалификациите за Лигата на Европа, првото коло е во „минус“ од некои 40.000 евра, односно носи помалку финансиски средства за учесниците. Но, затоа, мотивот за да се мине првото коло е многу поголем.
УЕФА направи нов систем, многу помотивирачки за клубовите кои ќе успеат да го минат првото коло. Веќе втората рунда во квалификациите за Конференциската лига носи нови 350.000 евра. Тоа значи и заработка од половина милион евра, што за најголем дел од македонските клубови значи и осигурен буџет за целата сезона.
Пласман во третото квалификациско коло од Конференциска лига носи заработка од нови 550.000 евра, а доколку некој од македонските претставници мине три рунди и стигне до плејофот за пласман во групната фаза од Конференциска лига – ќе биде награден со нови 750.000 евра.
Евро-фудбал
Лука Јовиќ опериран, ќе паузира еден месец
Тимови
