Португалските судски власти денеска извршиле претрес во неколку простории на фудбалскиот клуб Порто, како дел од истрагата за фалсификување на ПЦР – тест за коронавирус на еден фудбалер на клубот.
Истрагата се однесува на „патување со авион во странство, што го извршил фудбалер, наводно заразен со вирусот корона“, објавено е во заедничкото соопштение на полицијата и обвинителството.
Фудбалскиот клуб Порто потврди дека станува збор за патување од јануари годинава, за фудбалер кој игра во првиот тим.
Судските власти изјавија дека како дел од истрагата, тие сакаат да утврдат дали има ширење на заразна болест и фалсификување на медицински наоди.
