Португалската Бенфика обезбеди значајна предност во борбата за место во плејофот од Лигата на шампионите, откако славеше со 0-2 на гостувањето кај францускиот тим Ница.
Голот за водство го постигна Фрањо Ивановиќ во 53-тата минута, а конечниот резултат го постави Флорентино со погодок во 88-мата минута.
Феенорд на домашен терен го совлада Фенербахче со 2-1. Тимбер донесе водство за холандскиот тим во 19-тата минута, а Софијан Амрабат израмни за гостите во 86-тата.
Сепак, радоста на турскиот состав траеше кратко – Хаџ Муса во 91-та минута го постигна победничкиот гол за Феенорд.
