Секогаш има инспирација да ја затресе противничката мрежа, но некогаш му е потребен и вистински предизвик за да покаже колку навистина умее. Бесарт Ибраими за едно полувреме ја растури Македонија ЃП, подели две асистенции за Елези и за Дориев, а потоа и самиот постигна гол за убедливи 3-0. Во вториот дел Шкендија ја дозаврши работата и славеше со фантастични 5-0.
Бесарт Ибраими блескаше и заслужи да биде избран за МАКФУДБАЛ – ИГРАЧ на 14.коло во Првата фудбалска лига. Врвниот стрелец покажа дека може да биде и одличен асистент, тимски играч, предводник на Шкендија.
Во следното коло за Ибраими и соиграчите следи нов предизвик, гостување во Велес и дуел против Борец.
