Силекс ќе игра бараж за опстанок во Првата лига, ама секако ќе даде се од себе да го освои големиот пехар во Купот на Македонија. Утре (19 часот) на Националната арена „Тодор Проески“ ќе водат голема битка со Академија Пандев.
„Максимално сме мотивирани, по цели 24 години сакаме пехарот да го однесеме повторно во Кратово. Потоа ќе мислиме на баражот, секако, и тоа е многу важно, да останеме во Првата лига. Сите се подготвени и максимално фокусирани“, најавува тренерот на Силекс, Горан Симов.
Капитенот Ангелчо Тимовски би сакал финалето да биде решено пред изведување пенали.
„Финалето е посебна инспирација, мислам дека шансите се подеднакви. И лично, посакувам финалната пресметка да се реши пред евентуално изведување пенали“, истакна Тимовски.
