Еден од нашите најдобри судии, Александар Ставрев, е делегиран за главен судија на финалето на Купот на Македонија кое ќе се одигра в среда на Националната арена „Тодор Проески“ во Скопје. За трофејот во најмасовното натпреварување ќе се борат Академија Пандев и Силекс.
На Ставрев ќе му помагаат Дејан Костадинов и Гоце Петрески, а четврти судија ќе биде Марјан Маркоски кој се простува со судиската кариера.
Делегат на финалниот меч ќе биде Кочо Зердески од Кичево, а за контролор на судењето е одреден Хаџипази Алиерџан од Гостивар.
