Струга ТЛ со играч помалку обезбеди Европа, а Академија Пандев сигурен опстанок

Струга Трим Лум е патник во Европа, откако со триумфот (0-1) против Силекс во Кратово го обезбеди третото место на табелата во Првата фудбалска лига. И покрај тоа што стружани играа со играч помалку од 28.минута, поради исклучувањето на Марјан Алтипармаковски, сепак, славеа триумф со автоголот на Благојевиќ во 67.минута.

Македонија ЃП го победи Вардар со 0-2, со головите на Филип Петров во 49.минута и на Боби Божиновски во 87.минута. Сепак, „лавовите“ останаа на четвртата позиција без европски настап за следната сезона.

Академија Пандев оствари победа (3-1) над Борец и обезбеди опстанок без да игра бараж. Коста Манев донесе предност во 13.минута, а Даниел Миловановиќ зголеми на 2-0 во 25.минута. Лука Трајкоски постигна гол за Борец во 42.минута, но „пандевци“ обезбедија триумф со вториот гол на Даниел Миловановиќ во 49.минута.

Ренова и Работнички одиграа 1-1. Шефит Шефити донесе предност за Ренова, а израмни Фахрудин Ѓурѓевиќ со погодокот во 59.минута.

Пелистер ја совлада Беласица со 2-0, со головите на Христијан Драгарски во 20.минута и на Омар Гоудијаби во 76.минута од дуелот.

Шкендија и Шкупи по голем скандал, откако навивачите влетаа на трибините и навиваа, без никакво почитување на забраната за присуство на публика, а мечот беше во прекин, продолжија да играат со резултат 1-1. Бесарт Ибраими донесе водство за Шкендија во 41.минута, а израмни Али Адем во 58.минута.

ПРВА ЛИГА, 33.КОЛО

СИЛЕКС – СТРУГА ТЛ 0-1

ВАРДАР – МАКЕДОНИЈА ЃП 0-2

АКАДЕМИЈА ПАНДЕВ – БОРЕЦ 3-1

ШКЕНДИЈА – ШКУПИ 1-1

РЕНОВА – РАБОТНИЧКИ 1-1

ПЕЛИСТЕР – БЕЛАСИЦА 2-0