Роберт Левандовски нема да замине од Баерн Минхен ова лето, тврди првиот човек на клубот, Карл – Хајнц Румениге. Тој ја отфрла можноста баварскиот клуб да го продаде својот најдобар фудбалер.
„Секако дека останува во Баерн Минхен. Кој клуб сака да продаде фудбалер што постигнува по 60 гола во сезона“, изјави Румениге за германскиот „Билд“.
Левандовски има договор до 2023 година со Баерн Минхен, но се погласно се најавува негова можна преселба во Премиер – лигата. Интерес за него појавуваат Манчестер Сити, Челси и Манчестер Јунајтед.
