Битка за Европа: Пекол за Шкендија во Ѓорче, Струга ТЛ со лесна задача против Вардар

Шкендија е шампион, се опушти (не)намерно во минатото коло против Струга Трим Лум во Гостивар, па сега треба да гостува во Ѓорче Петров против третопласираниот тим на Македонија ЃП. „Лавовите“ подготвуваат пекол за шампионот затоа што веројатно Шкендија го крои излезот на европска сцена. Ова е клучниот натпревар за фудбалерите на Александар Таневски за да ја сочуваат предноста од еден бод во трката со Струга Трим Лум, со оглед дека во последното коло играат со неконкурентниот Вардар.

А токму Струга Трим Лум во ова коло има релативно полесна задача, затоа што го пречекува тимот на Вардар, кого само чудо може да го спаси од испаѓање. Веројатно, ниту тоа…

„Зад нас е добра серија резултати, задоволни сме што направивме на последните 5-6 натпревари, освоивме многу бодови и сè уште сме во трка за третото место. Сепак, мора да победиме и денеска, не очекува тежок натпревар иако Вардар не е во добра форма, но тие натпревари се најтешки. Се надевам дека ќе победиме“, изјави Немања Босанчиќ, фудбалерот за врска на Струга Трим Лум.

Работнички на Националната арена „Тодор Проески“ го пречекува Силекс, Академија Пандев има струмичка пресметка против Беласица, а пеколно ќе биде и во Велес каде директен дуел за бегство од баражот имаат Борец и Ренова. Шкупи ќе го пречека составот на Пелистер.