Лил не го дава врвот во Франција, падна и Ница (ВИДЕО)

Лил љубоморно го чува врвот на табелата во Франција. Со триумфот над Ница (2-0), фудбалерите на Лил се вратија на првото место со 76 бода, еден повеќе од Пари Сен Жермен, на три кола до крајот на шампионатот.

Бурак Јилмаз во 13.минута го доведе Лил во водство, а на почетокот на вториот дел Ница остана со фудбалер помалку поради исклучувањето на Мвула. Потоа следеше и вториот гол на Лил преку Зеки Челик во 56.минута кој го одлучи победникот.