Флорентино Перез се обидува да го убеди Зинедин Зидан да го продолжи својот договор до 2024 година, пренесуваат шпанските медиуми. Актуелниот договор на Французинот истекува во 2022 година, но тој веќе неколку пати изрази желба за враќање во Јувентус во иднина.
Сепак, Перез гледа на него како клучна фигура за иднината во клубот, без разлика на тешката финансисска криза која ги погоди “кралевите” како резултат од КОВИД-19 пандемијата. Зидан, исто така, игра клучна улога во можниот трансфер на неговиот сонародник Килијан Мбапе во Реал.
Континуитетот на Зизу може исто така да ги убеди Серхио Рамос и Рафаел Варан да потпишат нови договори. Се чини дека Варан е веќе на излезните врати на “Сантијаго Бернабеу”, додека долгогодишниот капитен, наводно, е подготвен да остане.
