Францускиот првак Пари Сен Жермен е во неизвесна трка за одбрана на титулата, но на следниот натпревар ќе биде без најдобриот напаѓач Килијан Мбапе. Тој заработи повреда на коленото, но и покрај тоа го одигра првиот полуфинален меч против Манчестер Сити на „Паркот на принцовите“.
Покетино сака да го поштеди од напори и тој ќе го прескокне утрешниот натпревар на домашен терен против Ленс.
На четири кола пред крајот, ПСЖ се наоѓа на второто место на табелата во францускиот шампионат, со еден бод негатива во однос на лидерот Лил.
