Погба: Целта на Јунајтед е да го освои трофејот во Лигата на Европа

Манчестер Јунајтед одигра маестрално второ полувреме и ја совлада Рома со 6-2 во првиот полуфинален натпревар од Лигата на Европа. Тоа е сериозна предност за составот на Оле Гунар Солскјер пред реваншот на „Олимпико“ во Рим.

Сепак, нема еуфорија кај Пол Погба кој беше стрелец на еден од головите.

„Ова е голем триумф, но не се радуваме премногу затоа што не сме ја оствариле целта. Манчестер Јунајтед сака да го освои трофејот во Лигата на Европа“, изјави Погба.