Барселона не ја искористи можноста да се искачи на врвот на табелата во Ла Лига. Тимот на Роналд Куман загуби на домашен терен од Гранада со 1-2. Барселона остана на 71 бод, колку што има и Реал Мадрид, а на врвот е Атлетико Мадрид со 73 бода.
Лионел Меси во 23.минута го доведе каталонскиот тим во водство и никој не помислуваше дека Гранада ќе возврати силно во второто полувреме.
Дарвин Мачис во 63.минута израмни на 1-1, а Хорхе Молина комплетно ја „попари“ Барселона.
