Тренерот на Пари Сен Жермен, Маурисио Покетино, не ја криеше разочараноста по синоќешниот пораз (1-2) од Манчестер Сити во првиот полуфинален натпревар од Лигата на шампионите. Тој вели дека англискиот тим постигнал случајни голови, но, сепак, создал повеќе шанси од ПСЖ.
„Видовме две различни полувремиња. Одигравме добро во првото полувреме. Создадовме шанси и заслужено поведовме, а по паузата Сити беше подобар. Головите што ги постигнаа беа случајни, но тие создадоа повеќе шанси од нас. Разочарани сме од двата примени гола. Тешко е да се прифати дека ова се случи во полуфиналето. Но, во второто полувреме Сити одигра постабилно. Не беше лесно да се справиме со нив. Дејствуваа малку поагресивно. Мора да веруваме, никогаш нема предавање во фудбалот, двомечот ќе продолжи за шест дена. Мора да се обидеме да постигнеме голови на гости и да победиме. Секако, чувствуваме притисок, но треба да се обидеме“, изјави Покетино.
Реваншот ќе се одигра на 4 мај на стадионот „Итихад“ во Манчестер.
