Тотенхем договорил директна средба со тренерот на Ајакс, Ерик тен Хаг, тврди познатиот известувач и новинар, Фабрицио Романо. “Спарс” се во потрага по постојан наследник на Жозе Мурињо, откако нивниот поранешен фудбалер, Рајан Мејсон беше назначен како привремена замена се до крајот на сезоната.
Италијанскиот новинар додава дека Тотенхем наскоро ќе започне преговори со Тен Хаг, кој би се сложил да го напушти холандскиот тим ова лето.
Се верува дека англискиот состав остварил контакт и со Џулијан Нагелсман за истата позиција, но сепак младиот стратег се одлучи на предизвикот наречен Баерн Минхен. Оваа одлука на Германецот, ги натерала челниците на Тотенхем да разгледуваат други опции од европскиот фудбал, каде сега на чело на листата се наоѓа Тен Хаг.
