Во пресрет на денешниот прв полуфинален натпревар од Лигата на Европа, навивачите на Рома закачија неколку транспаренти пред тренинг центарот на Рома. На нив се наоѓа Оле Гунар Солскјер, поради изјавата на менаџерот на Манчестер Јунајтед дека не го познава италијанскиот клуб и дека го нема гледано досега.
Солскјер уверува дека неговите зборови биле погрешно разбрани.
„Тоа беше изјава дадена веднаш по натпреварот со Гранада. Секако дека ги гледав, но не направив анализа. Не сакав да навредам никого. Тоа е фантастичен клуб, имам дресови на Тоти и на Де Роси“, изјави Солскјер.
Манчестер Јунајтед вечерва го пречекува италијанскиот калчолигаш Рома на „Олд Трафорд“ во првиот дуел од полуфиналето во Лигата на Европа.
